ಚಿತ್ರದ ಕಥೆಯ ಬಗ್ಗೆ ನಿರ್ದೇಶಕರು ಹೆಚ್ಚು ತಲೆ ಕೆಡಿಸಿಕೊಳ್ಳಲು ಹೋಗಿಲ್ಲ. ಹಾಗೆಯೇ ಒಬ್ಬ ನಟಿ ಕುರಿತಾದ ಅದ್ಯಯನ ಅಭ್ಯಾಸ ಮುಂತಾದವುಗಳ ಬಗ್ಗೆ ಎಳ್ಳಿನ ಮೊನೆಯಷ್ಟೂ ತಲೆ ಕೆಡಿಸಿಕೊಂಡಿಲ್ಲ. ಬದಲಿಗೆ ಸುಮ್ಮನೆ ತಾವಂದುಕೊಂಡ ಕಥೆಯನ್ನು ಹೆಣೆದುಬಿಟ್ಟಿದ್ದಾರೆ. ಚಿತ್ರರಂಗದ ಹಿನ್ನೆಲೆಯ ಕಥೆಗೆ ಸೂಕ್ತವಾದ ಚಿತ್ರಕಥೆಯಾಗಲಿ, ದೃಶ್ಯ ಜೋಡನೆಯಾಗಲಿ ಕಾಣಸಿಗದು.ಹಾಗೆಯೇ ನಟಿಯಾಗ ಬೇಕೆಂಬಾಸೆಯ ಯುವತಿಯ ಕಥೆ ಇದಾದರೂ ನಾಯಕಿಯಲ್ಲಿನ ಒಳಗುದಿಯಾ ಸೂಕ್ಷ್ಮಗಳನ್ನು ತೆರೆದಿಡುವಲ್ಲಿ ನಿರ್ದೇಶಕರು ಸಂಪೂರ್ಣವಾಗಿ ಸೋತುಬಿಟ್ಟಿದ್ದಾರೆ.ಹಾಗಾಗಿಯೇ ಚಿತ್ರದಲ್ಲಿರುವ ಕರುಳುಹಿಂಡುವ ದೃಶ್ಯಗಳೂ, ಪ್ರೀತಿಯ ದೃಶ್ಯಗಳೂ ಆದರ್ಶಮಯ ದೃಶ್ಯಗಳೂ ಕಿಂಚಿತ್ತೂ ಪ್ರಭಾವ ಬೀರುವುದಿಲ್ಲ.ಚಿತ್ರದ ಕಥೆ ಇಂತಿದೆ. ಚಿತ್ರದ ನಾಯಕ ರೌಡಿ. ನಾಯಕಿ ವಿಜಯಲಕ್ಷ್ಮಿ. ಕಲಾವಿದೆಯಾಗಬೇಕು, ಚಲನಚಿತ್ರಗಲ್ಲಿ ನಟಿಸಬೇಕು ಎನ್ನುವ ಆಸೆ ಆಕೆಯದು.ಹಳ್ಳಿಯಲ್ಲಿದ್ದು ಕೊಂಡು ದೊಡ್ಡ ಕನಸು ಕಾಣುವ ಹುಡುಗಿ ವಿಜಯಲಕ್ಷ್ಮಿಗೆ ಅವನೊಬ್ಬ ಪರಿಚಯವಾಗಿ ತನಗೆಲ್ಲಾ ಗೊತ್ತಿದೆ ಎಂದು ಹೇಳುತ್ತಾನೆ. ಸರಿ ನಾಯಕಿ ನಂಬುತ್ತಾಳೆ. ಅವನ ನಂಬಿ ಹಿಂದೆ ಹೊರಟರೆ ಆತ ಮೋಸ ಮಾಡುತ್ತಾನೆ.ವಿಜಯ ಲಕ್ಷ್ಮಿ ನೇರವಾಗಿ ವೇಶ್ಯಾಗೃಹಕ್ಕೆ ಬಂದು ಬೀಳುತ್ತಾಳೆ. ಅನಂತರ ನಾಯಕ ಶಿವರಾಜ್ ಮತ್ತು ವಿಜಯಲಕ್ಷ್ಮಿ ಭೇಟಿಯಾಗಿ ಗೆಳೆಯರಾಗಿ ಪ್ರೀತಿಸಿ ಮದುವೆಯಾಗುತ್ತಾರೆ. ಮುಂದೆ..? ಇಷ್ಟನ್ನು ಹೇಳಿದ ಮೇಲೆ ಮುಂದಿನದ್ದನ್ನು ಚಿತ್ರ ಮಂದಿರದಲ್ಲಿ ನೋಡಿ ತಿಳಿದುಕೊಳ್ಳಿ ಎಂಬುದು ನಮ್ಮ ಕೋರಿಕೆ.
ನಾಯಕಿ ವೀಣಾ ಮಲಿಕ್ ರದು ಅಭಿನಯವೋ ಏನೋ ಎಂಬುದು ಕೊನೆಯವರೆಗೂ ಗೊತ್ತಾಗುವುದಿಲ್ಲ. ಕೆಲವೊಂದು ಕೋನದಲ್ಲಿ ಚೆನ್ನಾಗಿ ಕಾಣಿಸುವ ವೀಣಾ ಮಲಿಕ್ ಅಳುವ ದೃಶ್ಯಗಳಲ್ಲಿ ಪೇಲವವಾಗಿ ಅಭಿನಯಿಸಿದ್ದಾರೆ. ಆದರೆ ಶೃಂಗಾರಮಯ ದೃಶ್ಯದಲ್ಲಿ ವೀಕ್ಷಕರೆ ಬೆಚ್ಚಿ ಬೀಳುವಷ್ಟರ ಮಟ್ಟಿಗೆ ತನ್ಮಯರಾಗಿ ಅಭಿನಯಿಸಿದ್ದಾರೆ.ಅವರ ಮೈಮಾಟ ಪ್ರದರ್ಶನ, ಚುಂಬನದ ದೃಶ್ಯಗಳು, ಹಾಡಿನಲ್ಲಿನ ಸೊಂಟ ಕುಣಿಸುವ ಪರಿಗೆ ಪಡ್ಡೆಗಳು ಹುಚ್ಚೆದ್ದು ಹೋಗುತ್ತಾರೆ.ರೋಮಾಂಚಿತರಾಗುತ್ತಾರೆ. ಆದರೆ ಭಾವಾನಾತ್ಮಕ ದೃಶ್ಯಗಳಲ್ಲಿ ಇದೆ ಮಾತನ್ನು ಹೇಳುವ ಹಾಗಿಲ್ಲ. ನಾಯಕ ಅಕ್ಷಯ್ ತಮ್ಮ ಹಿಂದಿನ ಚಿತ್ರಗಳಿಗಿಂತ ಸುಧಾರಿಸಿದ್ದಾರೆ. ಈ ಚಿತ್ರದಲ್ಲಿ ಹೊಡೆದಾಟದ ದೃಶ್ಯಗಳಲ್ಲಿ ಅಬ್ಬರಿಸಿದ್ದಾರೆ. ಆದರೆ ಸಂಭಾಷಣೆ ಒಪ್ಪಿಸುವ ಪರಿಯಲ್ಲಿ ಇನ್ನೂ ಪಳಗಬೇಕು.ಇನ್ನುಳಿದ ತಾರಾಗಣ ಚೆನ್ನಾಗಿದೆ. ಛಾಯಾಗ್ರಹಣ ಮತ್ತು ಸಂಗೀತ ಸಾದಾರಣ ಎನ್ನಬಹುದು.ನಿರ್ದೇಶಕ ತ್ರಿಶೂಲ್ ಇನ್ನೂ ಗಟ್ಟಿ ಕಥೆಯತ್ತ ಗಮನ ಹರಿಸಿದ್ದರೆ ಸಿಲ್ಕ್ ಒಂದು ಉತ್ತಮ ಚಿತ್ರವಾಗುತ್ತಿತ್ತೇನೋ...?
No comments:
Post a Comment